Mikrourbanisering betyr stadutvikling med særleg fokus på sentrum der offentlege aktørar, næringsliv og det frivillige samarbeider for å auke attraktiviteten til ein mindre tettstad. I kommuneplanen til Sauda er målet å få til meir aktivitet i sentrum.
Portal Norge
Kommunane må vere aktive for å bli attraktive
Det viser ein ny studie frå Transportøkonomisk Institutt, som har analysert korleis såkalla mikrourbanisering kan løfte sentrumsutviklinga i små kommunar med mellom 200 til 2.000 innbyggjarar. Mikrourbanisering betyr stadsutvikling med særleg fokus på sentrum der offentlege aktørar, næringsliv og det frivillige samarbeider for å auke attraktiviteten til ein mindre tettstad. Det kan innebere alt frå fysisk samlokalisering av arbeidsplassar, bustader, offentlege tenester, sentrumstilbod, samfunnshus og offentlege møteplassar. Det kan også vere knytt til ikkje-fysiske eigenskapar som aktørsamarbeid, aktivitet i sentrum og andre element som gjer ein tettstad til ein attraktiv stad å jobbe, bu eller besøkje.
Kommunen må spele ei sentral rolle
Ifølgje rapporten er kommunale vedtak om sentrumssatsing, kommunale strategiar og planar som legitimerer og bidreg til ønskt utvikling, og kommunen som prosessleiar, viktige føresetnader for god mikrourbanisering. Forskarane meiner vidare at det at kommunen sjølv investerer i sentrum og går føre med investeringar, er viktig. I tillegg bør nøkkelaktørar utanom kommunen bidra. Kommunen bør delta i FoU prosjekt og prosjekt som Bulyst og GNIST, nytte styringsverktøy og setje av personressursar til å jobbe med stadutvikling.
(NPK)
