Migrasjonstur til topps 17. -19. juni

Fredag 17. juni fekk Sauda besøk av 47 personar og leiarar i migrasjonsprogrammet Til Topps». Dette er flyktningar frå ni forskjellige nasjonar: Syria, Somalia, Eritrea, Kongo, Russland, Nepal, Iran, Afghanistan og Kurdistan. Med hjelparar frå Romania og Norge så blei det ei turgruppe som på laurdag prøvde å komme opp til Reinsnuten.

Me måtte dessverre snu på Maldalsstølen på grunn av tåke og vekslande vêr. Ingen sure miner, men ei lystig gruppe som var ivrige til å fotografere naturen og feste flotte inntrykk. Det blei både fisketur og skytteltrafikk til Svandalsfossen. Dei var veldig imponert over vassfallet og tilrettelegginga i Svandalsfossen.

Laurdagskvelden blei det kjempegod mat og gode samtalar. Søndag blei det utrydding av Lyngmyranlegget og reis tilbake til heimkommunane som var Sola, Stavanger, Sandnes, Haugesund og Karmøy.

Takk til Eramet, Lyngmyr skyte- og skianlegg, Bunnpris, Sauda Røde Kors og enkeltpersonar som gjorde det muleg å gjennomføre denne helga .