Det norske passet gir tilgang til 186 land. Det er det dårlegaste av alle land i Norden, men framleis ein 7.-plass av alle land i verda.
Ørn E. Borgen / NTB / NPK
Norske pass er dei dårlegaste i Norden
Norske pass blir rangerte på delt 7.-plass i ei ny, internasjonal rangering. Det kjem fram av data frå International Air Transport Association, som kartlegg reisedata verda over, skriv NRK.
Eit pass frå Noreg gir tilgang til 186 land i verda. Det er bak naboane våre Sverige (5.-plass), Danmark (5.) og Finland (4.), og land som Storbritannia (6.), Italia (4.) og Sør-Korea (2.).
Eit pass frå Japan er det som gir tilgang til flest land, med 193 i heile verda. Minst tilgang gir pass frå Irak, Syria og Afghanistan.
(NPK)
