Illustrasjonsfoto.
Kyrre Lien / NTB / NPK.
Rekordmange fekk flåttsjukdom i fjor
569 nordmenn fekk flåttsjukdommen Lyme borreliose i 2022. Det er auke på 33 tilfelle frå 2021 og over ei dobling på ti år.
Det viser mellombelse tal frå Meldesystemet for smittsame sjukdommar (MSIS).
– Dei fleste blir heilt bra når dei får rett behandling, seier rådgivar Harald Reiso ved Flåttsenteret i Agder til P4.
At kulturlandskap gror igjen, trur Reiso er ein del av forklaringa bak tala.
– Det handlar nok noko om klimaendringar og gjengroing av landskap og at flåtten får betre vekstvilkår med auka førekomst av smågnagarar og andre vertsdyr, seier Reiso.
(NPK)
