Solkraft kan føre til stor nedbygging av natur

Energikommisjonen anslår at vi må byggje ut mellom 5 og 10 TWh solkraft innan 2030. Det vil kreve eit areal som svarar til 7000 fotballbaner, skriv NRK. NVE er allereie kjent med eit 50-tals prosjekt, og nesten alle skal vere på bakken.

Jørgen Kocbach Bølling, som er fagleiar for solkraft i NVE, fortel at prosjekta ikkje avgrensar seg til grå areal», men også omfattar grøne areal» som skog, beiteområde og jordbruksjord. Dei har difor bedt utbyggjarane om gode visualiseringar» for å vise korleis området vil sjå ut til slutt.

– Men det er klart at dette vil gi verknader som ikkje alle er heilt samde i, seier Bølling til kanalen.

Lars H. Gulbrandsen, som er forskingsleiar for klima og energi ved Fridtjof Nansens Institutt, kallar det eit tankekors» at løyve til store, bakkemonterte solkraftanlegg blir behandla etter nesten akkurat same prosedyre som førte til skyhøgt konfliktnivå over vindkraftverk».

– Det er fare for at mange av dei same konfliktane vil dukke opp igjen med solkraftsatsinga, seier han.

NRK har snakka med fleire talspersonar for miljø- og naturverninteresser som er uroa over planane.

– Vi sviktar framtidige generasjonar viss vi ikkje vaknar og forstår at klimakrisa må løysast på ein måte som ikkje forsterkar naturkrisa. Det krev eit betre regelverk for utbygging av fornybar energi enn det vi har i dag, seier Per Hanasand, styreleiar i DNT.