Stadig færre står utanfor arbeidslivet

659.000 personar mellom 20 og 66 år var verken i jobb eller utdanning i 2022. Det svarer til 19,7 prosent av alle i aldersgruppa, ifølgje dei siste tala frå Nav.

Det er ein nedgang på 2000 personar frå året før. Mange av dei nykomne ukrainarane hamnar inn under utenforskap-definisjonen. Utan dei er reduksjonen på 18.000 personar frå året før – ei utvikling som er i tråd med trenden dei siste åra.

– Fleire og fleire kjem seg i jobb, og utanforskaptala har dermed krympa mykje dei siste åra – godt hjelpte av ein stram arbeidsmarknad med låg arbeidsløyse og høg etterspurnad etter arbeidskraft, seier arbeids- og velferdsdirektør Hans Christian Holte.

Frå 2019 til 2022 vart talet på personar utanfor arbeid og utdanning redusert med 51.000 personar, tilsvarande 7 prosent.

I same periode har det vore ein markant auke i sysselsetjinga blant dei som tidlegare stod utanfor arbeidslivet og fekk éin eller fleire ytingar.

Viken har flest personar i utanforskap med 152.800 personar, medan Troms og Finnmark har færrast med 28.900. Agder har den største andelen i utanforskap med 22,8 prosent, medan Vestland har den lågaste andelen med 17,8 prosent.