Allmannajuvet på kulturmiljø-liste: – Stor historisk verdi

Thea Aaberge Wikander er rådgivar i seksjon for arealplanlegging og miljø hos Riksantikvaren. Ho opplyser denne veka i ei pressemelding at 18 nye område er lagt til i den allereie eksisterande lista over kulturmiljø i by og kulturhistoriske landskap av nasjonal interesse i Rogaland.

– Den nye rapporten fangar opp ei større breidde av kulturmiljø som elles ikkje har vore inkludert. Denne rapporten er viktig, både for folk i Rogaland og dei som skal forvalte og sikre gode bymiljø og dei vakre landskapa rundt omkring i fylket, seier ho i pressemeldinga.

I rapporten som er utarbeidd av Riksantikvaren i samarbeid med Rogaland fylkeskommune, er nå Allmannajuvet inkludert, som éitt av 18 nye område. Innhaldet i rapporten er dynamisk og det er opna for vidare justeringar om ny kunnskap kjem fram, står det forklart.

– Bidrar til lokal økonomi

Allmannajuvet, som i rapporten er rekna som det 0,43 kvadratkilometer store området som inkluderer gruvevegen, sinkgruvene og dei nye bygga signert Peter Zumthor.

Området har stor historisk, kulturell, teknologisk og miljømessig verdi, og omfattande sikringsarbeid er gjort for å verne kulturmiljøet mot ras- og flaumfare», står det å lese i rapporten.

Vidare blir Allmannajuvet omtalt som ein av hovudattraksjonane i Norsk turistveg-prosjektet.

Gruvene tiltrekk seg besøkande og turistar som er interesserte i industrihistorie og naturarv. Dette bidrar til lokal økonomi og bevaring av historisk medvit», heite det i rapporten.

– Nasjonal verdi

Rogaland blir i pressemeldinga frå Rogaland fylkeskommune skildra som eit fylke med lange kyststrekk, by og land, breie fjordar og smale fjordarmar, daler, hei og fjelltrakter mot aust. I sjølve rapporten blir det trekt fram mange faktorar som gjer Allmannajuvet til eit område av spesiell betydning.

Kulturmiljøet i Allmannajuvet speglar dei tidlege fasane av kraft- og industrihistoria i Sauda og har stor regional og nasjonal verdi. Som ein av Norges viktigaste produsentar av sink under gruvedrifta, spelte Sauda ei avgjerande rolle i industrialiseringa av både regionen og landet», heiter det i rapporten.

Vil du lese heile rapporten? Då kan du følgedenne lenka.