Frå i dag er det farleg å vera rådyrbukk

Fellingsstatistikk frå Hjorteviltportalen viser at rådyrjakt aukar i popularitet i Sauda. I 2021 blei det felt 26 dyr, det meste som er registrert så langt.

Den tildelte kvota for rådyrjakt var på 90 dyr.

Den ordinære rådyrjakta startar først 25. september, men alt i dag, 10. august, opnar bukkejakta. Jakt på rådyrbukk er svært populært i andre delar av landet, men har så langt ikkje tatt av» i Sauda og Rogaland. I 2021 blei det rapportert inn elleve felte rådyrbukkar i Sauda. Trass eit heller beskjedent utbytte, er dette tangering av toppnoteringa for rådyrbukk frå 2014.

Rådyrjakt i vekst

På landsbasis er det ifølge Statsskog om lag 45 000 rådyrjegerar i Norge, av desse 3 000 kvinner. Kvinneandelen er høgast blant dei yngre jegerane.

Talet på felte rådyr har auka markant dei siste åra. Medan det i 2012/13 blei felt snautt 26 000 rådyr, var talet i 2020/21 auka til 34 300 dyr.

Viken og Trøndelag toppar fellingsstatistikken med 9 580 og 6 300 dyr, Rogaland kan skilta med 1 650, medan Vestland og Oslo, med 200 og 70, had færrast felte rådyr i jaktsesongen 2020/21.