Golf: Vermeulen/Zweedijk best i par-matchplay

Rob Vermeulen og Ton Zweedijk gjentok bedrifta frå i fjor då dei laurdag slo Sigrid Isberg Klyve og Aud E. Alhaug i finalen i årets par-matchplay. Finalen var over etter 15 hol ettersom duoen frå Nederland leia med fire hol – ei leiing det då ikkje var muleg å ta igjen.

I bronsefinalen måtte det omspel til for å kåra ein vinnar. Her vann duoen Jarle Rygg/Joakim Rygg, medan Endre Storli/Bjørn Håheim måtte ta til takke med fjerdeplassen.

Matchplayturneringa har gått gjennom heile sommaren, med innleiande gruppespel og sluttspel for dei beste para her.

Onsdagsturneringar

Haustmørket kjem snikande og kveldane blir kortare, dermed nærmar det seg slutten for onsdagsturneringane, som etter planen blir avrunda for sesongen i midten av oktober. Sist onsdag var 28 spelarar på plass på Grønsdal, med følgande resultat:

A-klassen, slag brutto (9 delt.):

1 Eirik Hamre Sandal 33 slag

2 Kjetil H. Aartun 33 slag

3 Erik Husebø 34 slag

4 Thomas Sørensen 34 slag

B- & C-klassen, slag netto (19 delt.):

1 Bjørn Håheim 28 slag

2 Egil Bakke 29 slag

3 Sigrid Isberg Klyve 29 slag

4 Erik Hagesæther 29 slag

5 Stig Adler Birkeland 29 slag

6 Waldemar Olsen 30 slag

7 Ton Zweedijk 30 slag

8 Arild Austerheim 30 slag

9 Bengt Rafdal 30 slag

10 Hilde Hodne 30 slag

Turneringskomiteen

v/Knut Atle Seim,