Hjortejakt på det jamne i 2022
Nær halvparten av den tildelte kvoten felt i Sauda.
Lokale hjortejegerar felte 68 dyr av ein kvote på 147 i 2022, viser tal frå hjorteviltregisteret. Dette utgjer ein fellingsprosent på drygt 46, som er marginalt høgare enn året før.
Hjortejakta i Sauda er delt inn i 37 jaktvald. Seks av desse klarte å henta ut heile kvoten i 2022, 13 av valda står med null i protokollen.
Kommunens største hjortejaktvald ligg i Åbødalen. Her blei det felt ti dyr av ein kvote på 13, ein fellingsprosent på 77, viser tal frå Hjorteviltregisteret.
Ingen elg
Ifølge statistikken blei det ikkje felt elg i Sauda i 2022. Også reinsdyrjakta var ifølge registeret mager. Her går det fram at det bare blei felt to reinsdyr av ein kvote på 34 i Skaulen/Etnefjella villreinområde.
Rådyrjakta gav til saman 23 felte dyr av ein kvote på 93.
