Samlar krefter til kraftturisme

– Spora etter kraftutbygginga og industrilandskap kan fungere både som sjølvstendige kulturbaserte reiselivsprodukt og som opplevingsforsterkarar til fjordturismen, seier Per Morten Ekerhovd, avdelingsdirektør for kultur og folkehelse i Vestland fylkeskommune, til Nationen.

Det nye prosjektet kalla Kraftturisme vil halde fram til 2025. I arbeidet planlegg fylka og riksantikvaren å samarbeide med lokale aktørar og institusjonar. Ekerhovud meiner landskapet og dei menneskebygde kraftverka kan spele kvarandre gode og at rundturane både gir fantastiske naturopplevingar og innblikk i kva som har forma mange av bygdene og tettstadane våre. Dei fyrste to rundturane i prosjektet er alt på plass. Av fire ruter totalt, ligg to i Vestland fylkeskommune og to i Rogaland, ifølgje Nationen.

– Kva med å kombinere eit besøk på Kraftmuseet i Tyssedal med ein tur til Vøringsfossen, eller ein Via Ferrata-tur? Eller litt lenger nord i Vestland fylke, kva med å gå dei karakteristiske trappene i Høyanger for så å ta ei byvandring i eit klassisk kraftsamfunn, foreslår Ekerhovud for avisa.