Statkraft kuttar fastprisen på straum med over 10 prosent, etter at næringsministeren førre veke bad dei om å sørgje for å vere konkurransedyktige.
Statkraft har no kutta fastprisen frå over 110 øre kilowattime til 98,63 øre for ein treårsavtale med flatt uttak i Sørvest-Noreg, skriv NRK.
Førre veke kalla næringsminister Jan Christian Vestre (Ap) Statkraft inn til eit møte der han bad dei om å opptre offensivt i kampen om fastpriskundane.
Statkraft er Noregs største kraftprodusent og er eigd av staten.
