Syngespelet søker om kommunal støtte

Laurdag 14. oktober er det premiere på førestillinga Ein plass i verda». Initiativtakar til prosjektet, den utflytta saudabuen Ola G. Strømme, søker nå Sauda kommune om økonomisk støtte til arrangementet. Strømme opplyser at leigekostnaden av Folkets Hus, inkludert lydteknikar og billettsal-provisjon til huseigar, vil kosta rundt 22 000 kroner. I tillegg vil det kosta arrangøren 20 000 kroner i reise, diett og overnatting. Eramet har alt støtta arrangøren med en bloc» billettkjøp for 25 000 kroner – ein støtte som blir sett på som ein salsgaranti, ikkje som reine pengar.

– Me kvalifiserer, så langt eg forstår, ikkje til dei vanlege kulturstøtteordningane frå Sauda kommune. Me søker derfor støtte utanfor dei vanlege støtteordningane og ønsker sjølvsagt ikkje å søka ein spesifikk støttesum, då all støtte monnar», skriv Strømme i søknaden.

Tidlegare har Strømme sagt at Ein plass i verda» skal framførast på Sauda Klubb. Nå er det klart at syngespelet blir lagt til storesalen i Folkets Hus.