Vann parturneringa med rekord-runde

Lagkonkurranse i Minigolf stod for første gong på programmet under årets Saudadagane. Spenninga var derfor stor om saudabuen kom til å prioritere kunstgras, putting og presisjon føre andre aktivitetar og mulegheiter. Ikkje minst Sauda golfklubbs årlege Saudadagane-turnering, som gjekk på same tid søndag.

– Her møtte folk opp, og vi fekk ti lag påmeldt. Det må vi vere godt fornøgd med, for stemninga var kjempegod, og det blei flott spel på bana, fortel Nils Jarle Sandanger ved Sauda Minigolf.

– Har lært

Dette var første gong minigolf er ein del av programmet under Saudadagane, og dei fleste nivå og aldrar var representert blant dei 20 spelarane som konkurrerte om førsteprisen. Frank Hansen og Alf Ole Johnsen leverte ein runde av dei sjeldne, og enda opp med like mange slag som den gjeldande banerekorden til Arne Gothi, nemleg 45 slag.

Dermed er dette den gjeldande lagrekord.

– Vi er alle ganske ferske på dette, og sidan vi opna bana for nesten eitt år sidan, har vi lært mykje. Neste år kjem vi nok til å kjøre denne turneringa i to klassar, der éin er ein proff» klasse, medan éin er meir ein familieklasse, seier Nils Jarle Sandanger.