Billettsalet på god veg opp, men mange ledige billettar igjen
– Fullt muleg å kjøpe ved inngangen til konsertteltet fredag og laurdag kveld, opplyser Gerd Olaug Garstad i arrangørkomiteen.
I kveld, fredag, er først konsertkvelden under Saudadagane. Da er det gruppene Halva Priset og Turbostipend som står for underhaldninga. Saudadagane-arrangør Sauda Ferie & Fritid opplyser at per fredag klokka 10.30 er det selt 600 billettar til fredagens konsert og 900 billettar til laurdagens konsert.
– Billettsalet har tatt seg opp, men framleis er det mange ledige billettar igjen. Kapasiteten er 1 400 gjester kvar kveld i konsertteltet ved paviljongen, seier Gerd Olaug Garstad.
Annonse
Laurdag kveld er det Stavangerkameratane og Saudasvaggane som står for underhaldninga.
Garstad opplyser at det vil vere muleg å kjøpe billettar på nett nesten fram til konsertstart.
– Det er også muleg å kjøpe billettar ved inngangspartiet når ein møter opp til konsert, så lenge det er ledige billettar igjen. Men per nå er det god kapasitet og mange billettar igjen, seier Gerd Olaug Garstad.
Fredag formiddag er det gratiskonsert med lokale artistar på Rådhusplassen. Konserten startar klokka 12.00.
Annonse
– Denne konserten er flytta inn i teltet på Rådhusplassen sidan vêret er litt grått. Det er bare å møte opp. Det er god kapasitet i teltet på Rådhusplassen, opplyser Gerd Olaug Garstad.
