Byr på dukketeater: Sjå keiseren bli lurt opp i stry
H.C Andersens eventyr frå 1837 er både morosamt og fullt av klokskap. Laurdag kan stykket opplevast som dukketeater på Folkets Hus.
”Keiserens nye klær” er eit eventyr i kjent H.C Andersen-stil. Her blir rikdom og forfengelegheit sett på prøve, i ei historie som fenger både store og små. Tyskfødde Regine Erler speler laurdag føremiddag stykket som dukketeater i Nyesalen på Folkets Hus. Ho har drive med dukketeater i meir enn ti år, og har blant anna turnert i Rogaland med stykker som ”Snehvit” og ”Hans og Grete”.
Framføringa av ”Keiserens nye klær” er eit stykke basert på papir. Både dukker og kulisser er papirbaserte , og Erler sjølv fortel, speler og interagerer med både dukkane og publikum. Det er brukt fleire ulike teknikkar i framføringa og stykket er spesielt anbefalt for barn i 4-5 års alderen.
Annonse
Regine Erler har budd i Norge sidan 2001. Ho jobba som lege fram til 2012, og er i dag dukkespelar og organist.
