Desse skal spele under Saudadagane 2023

Fire band er booka inn til neste års Saudadagane. Dei to banda som skal stå for underhaldninga i konsertteltet fredag er Halva Priset og Turbostipend. I konsertteltet laurdag skal Stavangerkameratane og Saudasvaggane opptre.

Halva Priset er mest kjent gjennom låta ”Den finaste Chevy´n”. Bandet blei starta av Petter Bjørklund Kristiansen, betre kjent under artistnavnet Katastrofe. Dei øvrige medlemmane er Emil Haglund, Hans Marius Indahl, Lars Støvland og Andreas Nordange.
Turbostipend er eit band frå Bergen. Bandet består av sju rutinerte musikarar som er engasjert i musikkmiljøet i Bergen. Bandet spelar 80-talsmusikk.

Laurdag er saudabandet Saudasvaggane hyra inn. Saudasvaggane består av Nils Kristen Herheim, Magnar Birkeland, Odd Erik Egge, Oddwar Wiersen og Sindre Nordengen, og bandet har også éin gong tidlegare blitt hyra inn av Saudadagane-arrangør Sauda Ferie & Fritid.

Det fjerde bandet som har blitt hyra inn til Saudadagane er Stavangerkameratane. Bandets mest kjente låt er ”Bare så du vett det”. Også Stavangerkameratane har éin gong før blitt hyra inn til Saudadagane. Stavangerkameratane består av Kjartan Salvesen, Tommy Fredvang, Glenn Lyse og Ole Alexander Mæland, som alle var etablerte artister ved oppstart av bandet i 2015.

Arrangør Sauda Ferie & Fritid opplyser at dei legg opp til at nokre lokale artistar vil spele både før og mellom sceneskifte under konsertane, men at desse lokale artistane ikkje er booka ennå.

Saudadagane blir arrangert i slutten av mai kvart år.