Laurdag brakar det laus!
Heile 54 deltakarar står klare til å levere 21 kulturframføringar av ulike slag under UKM i Storesalen på Folkets Hus denne helga.
Alt klokka 12.00 på laurdag er årets deltakarar i Ung Kultur Møtes på plass på Folkets Hus. Der skal dei ha lydprøvar, lunsj og generalprøve, før ”alvoret” startar klokka fem på ettermiddagen. I år er det ikkje mindre enn 54 unge, lovande kulturinteresserte barn og unge som skal i ilden.
– Nokre av desse er med på to eller fleire framføringar, og til saman er det 21 innslag som blir framført, fortel rektor ved Sauda kulturkule, Eli-Jorun Tangeraas.
Annonse
Mange kategoriar
I år som i fjor har publikum mange ulike typar kultur å sjå fram til. To deltakarar har meldt seg på i kategorien media, medan to har meldt seg på som konferansierar. Forøvrig er det eitt band som skal spele, samt fire dansegrupper.
– Utover dette blir det forskjellige musikkinnslag, med blant anna song og piano, fortel Tangeraas.
Annonse
Juryen, som i år er frå Suldal, kan velge ut tre innslag frå Sauda med deltakarar frå 13 år og oppover, som får representere Sauda på fylkesmønstringa i Sandnes 21-23. April.
