Mange ville sjå tolkingar av Bjørn Eidsvåg-låtar

Aldri før har så mange sett ein episode av Hver gang vi møtes», fortel TV 2. Kanalen seier vidare at sesongen i år ligg an til å bli den mest sette nokosinne.

Ved sida av Bjørn Eidsvåg er også Kristian Kristensen, Ingebjørg Bratland, Emma Steinbakken, Karoline Krüger, Isah og Freddy Kalas med på notane.

Premiereprogrammet har nær dobla sjåartala sidan det vart vist 1. januar. 542.000 såg programmet det første døgnet, og etter nærare to veker er det 1 million som har sett Eidsvåg-hyllesta.

Og medan ein million sjåarar har sett premiereprogrammet, såg nesten 900.000 hyllesta av Freddy Kalas på under ei veke. Ikkje berre har dei som ser programmet lineært auka sidan i fjor – talet som ser programmet via TV 2 Play har nær dobla seg sidan 2022-sesongen.

– Når to av låtane toppar listene i Noreg og seks låtar dessutan er inne på topp 20, har vi all grunn til å vere kjempestolte. All honnør til alle involverte i denne produksjonen, seier programredaktør Kathrine Haldorsen i TV 2.

(NPK)