No er Anna (21) klar for Røldalsspelet
Neste veke er det klart for Røldalsspelet. Saudajenta Anna Løyning (21) blir å sjå i ei av dei større rollene.
Anna Løyning (21) har tidlegare vore svært aktiv i kulturskulen og ho har vore å sjå opp til fleire gonger i revyen i Sauda. Til vanleg studerer ho bachelor i musikkteater ved Høyskolen i Kristiania. Ho fortel til Ryfylke at ho har eitt år igjen der ho skal skriva bacheloren sin. Når ho er ferdig håpar ho å få fortsette i bransjen om det lar seg gjere.
Bur i campinghytte
Annonse
Då Ryfylke kontakta henne onsdag denne veka kunne ho fortelle at ho akkurat var på veg tilbake til campinghytta i Røldal etter nokre gjennomgåingar av spelet. 21-åringen fortel at det har blitt ein god del reising til og frå Røldal dei siste to vekene, men at ho nå bur i ei campinghytte i Røldal fram til alle dei fire førestillingane er over.
– Eg gler meg mykje til å få visa fram det me har jobba med, seier ho
Fekk rolla som Anna»
Anna fortel at ho i fjor fekk kontakt med Gunn Gravdal Elton som står bak mykje av spelet, gjennom ein klassekamerat i Oslo som kjem frå Odda. Det var dessverre ingen store roller ledige som Anna kunne få i fjor, men i år dukka det opp ei ganske stor rolle. Neste veke blir ho å sjå som rolla Anna, som er storesystera til hovudrolla Haldis.
Annonse
– Det er veldig kjekt å få vere med i spelet. Det er så mange dyktige og fantastiske folk som er med, seier Anna
Anna fortel at ho gler seg veldig til å få visa fram det dei har jobba med og at det til nå har vore fantastisk å få vere med i spelet med så mange kjekke folk.
Den lange vegen»
Også i år heiter Røldalsspelet Den lange vegen». Spelet er ein moderne musikal som handlar om pilegrimsvandringane til Røldal i åra 1230-1835. I spelet møter ein den unge jenta Haldis som bestemmer seg for å legge ut på den lange vegen til Røldal for å bli frisk frå funksjonshemminga ho fekk når ho blei fødd. Spelet tar for seg ulike ting som kan skje under ei slik reise.
– Det er ei fantastisk førestilling som er verdt den korte turen over fjellet, meiner Anna Løyning.
Ho håpar at saudabuen tar turen over Saudafjellet for å sjå førestillingane som vil vere kvar kveld frå onsdag til laurdag neste veke.
