Ødd» og Ingebjørg til Folkets Hus i haust
Sauda står på turnekartet når Odd Nordstoga og Ingebjørg Bratland legg ut på turné i haust og vinter.
Odd Nordstoga sin musikk har gått rett heim hos eit stort norsk publikum sidan han for alvor slo igjennom med albumet Luring» i 2004. Sidan den gong har Vinje-bygdingen blitt ein merittert artist med ei rekke prisar og utmerkingar på cven, mellom anna fem spelemannsprisar.
Nordstoga gjesta Sauda i august 2020 med to korona-tilpassa og -utsette konsertar. Nå får saudabuen ein ny sjanse til å sjå og høyra Ødd» live i Folkets Hus.
Annonse
Vinje-dobbel
Onsdag denne veka presenterte Odd Nordstoga konsertplanane sine for hausten og vinteren 2023-24. Eller rettare sagt, planane til Nordstoga (50) og sambygding Ingebjørg Bratland (33), som saman legg ut på landevegen med ein turné som har fått namnet Langt heimafrå».
På ei omfattande turneliste, med meir enn 50 spelestader, står Sauda og Folkets Hus oppført med konsert onsdag 25. oktober.
Også Bratland har ei etter kvart imponerande merittliste å visa til, mellom anna med spellemannsprisen i 2013 for folkemusikkprosjektet Heimafrå» saman med Odd Nordstoga.
Annonse
For mange blei Bratland kjend då ho i 2015 gav ut ein norsk versjon av Bob Dylan-låten Make you feel my love», omsett til Fordi eg elskar deg» av Bjarte Hjelmeland.
Ingebjørg Bratland var også ein av artistane i 2023-sesongen av Hver gang vi møtes» på TV2.
