Riksantikvaren har mottatt fredingsforslaget
Rogaland fylkeskommune ber nå Riksantikvaren frede Folkets Hus i Sauda.
Høyringsrunden om Folkets Hus i Sauda skal bli freda blei avslutta før jul. Nå har Rogaland fylkeskommune formelt sendt inn sitt forslag om freding til Riksantikvaren. Riksantikvaren har tidelegare opplyst at dei i utgangspunktet vil stille seg positiv til eit forslag om å frede Folkets Hus. Nå har dei fått saka på bordet.
Da Sauda kommune under høyringa skulle uttale seg om dei ønska at det 91 år gamle bygget blei freda, stemte 15 av 19 kommunestyremedlemmer for at bygget blir freda. Fire representantar meinte at Sauda klarer å ta vare på bygget utan at det blir freda, og fryktar at freding kun medfører ekstra restriksjonar utan at det er ein gevinst å hente. Fleirtalet meiner at freding forsterkar statusen til bygget og arbeidarhistorikken til Sauda, og vil ha ein positiv effekt for marknadsføringa av Sauda. Bygget er i dag i ei hensynssone der det er restriksjonar på kva ein kan gjere med bygget.
Annonse
I dag er den nedlagte kraftstasjonen Sauda III i Sønnåhamn det einaste bygget i Sauda som er freda.
Det er kun Folkets Hus som stod ferdig i 1931 som er foreslått freda, og ikkje det nye tilbygget.
