Sauda musikkorps byr på konsert
Suldal Musikkorps blir med som gjestekorps på konserten søndag.
Sauda Musikkorps inviterer til ein haustkonsert i Folkets Hus på søndag. I den samanheng tar Suldal Musikkorps turen til Sauda og blir med på konserten med eit par nummer.
Til vanleg øver dei rundt 20 aktive medlemmene i Sauda Musikkorps i Eldresenteret.
Annonse
– Me får bruke Eldresenteret som øvingslokale og eit kjellarrom gratis av dei. På konserten søndag får derfor medlemmer i Sauda pensjonistforening komme inn gratis. Me har lyst å gi noko tilbake, opplyser Ingunn Skare i Sauda Musikkorps.
Ifølge Skare vil dei under konserten framføre kjente stykker som spenner seg frå Abba til Cole Porter.
Ho opplyser at korpset vil stille opp under tenninga av julegrana på Rådhusplasen første advent. I tillegg vil dei bidra under den årlege julekonserten i Sauda kyrkje.
– Til våren har me såvidt snakka om ein konsert i Sneath´s park, seier Ingunn Skare.
Annonse
Ho opplyser at Solveig Stensvåg Eriksen har tatt over som ny leiar i korpset.
I forkant av søndagens konsert vil dei ha eit seminar i helga.
