Selde 900 revybillettar
Saudabuar set framleis stor pris på lokalrevy. Av 972 billettar blei 900 seld.
Torsdag, fredag og laurdag hadde Sauda revy- og teaterlag sett opp førestilling ”Det er bare å komma seg ut, vett du!”. Og at saudabuar kom seg ut for å sjå revy, er det ingen tvil om.
Kvar kveld blei det lagt ut 324 billettar. Totalt desse tre kveldane blei det seld 900 billettar.
Annonse
Kulturhussjef Astrid Espeland synest det er kjekt at ein lokal revy opplever så høgt billettsal.
– Det er tydeleg at lokal revy er eit konsept som saudabuar liker. Eg synest det er veldig bra at det blir seld så mange revybillettar i vesle Sauda, seier kulturhussjefen.
