NVE-sjefen trur ikkje straumprisane i haust blir like høge som i fjor

– Vi lever i svært usikre tider og dei siste par åra har vist at ingen skal vere for skråsikre på kva som skjer, til og med på ganske kort sikt. Men slik det ser ut no, så er eg mindre bekymra for vinteren vi har framfor oss, samanlikna med på same tid i fjor, seier Lund til E24.

Han peikar på at fyllingsgrada i magasina er betre på denne tida av året enn dei førre åra, gasslagera i Europa og energieffektivisering.

Lund trur likevel at nordmenn må bli vande til høgare straumprisar. NVE ventar at kraftbalansen i landet skal svekkjast dei næraste åra, fram til 2028.

– Det kjem av at forbruket er forventa å vekse og at lite ny norsk kraftproduksjon vil komme dei neste åra, seier Lund.

– Det nye er at vi ikkje ventar eit kraftunderskot i Noreg dei næraste åra. Ein viktig grunn til det er at vi i høgprisåra 2021 og 2022, såg at kraftforbruket i Noreg gjekk kraftig ned. Det vil nok gå ein del opp igjen, men vi trur at mykje av nedgangen er varige endringar, seier Lund.